عبد الله الشيخ يكتب: خط الإستواء “حول العلاقة مع مصر ..!

انا عندي رأي مختلف حول العلاقة مع مصر ..

ارى إنو السوداني اللي بيتكلم عن موضوع حلايب ، وما يجيب سيرة لمحاولة اغتيال حسني مبارك ،، السوداني ده بيمارس الاستهبال على بلده وعلى الاخرين ..

أما عن حكاية نهب ثروات السودان ، فهذه محاولة هروب من المسؤلية … انت إشتغل ابني بلدك واحفظ حقك ، انت ما عندك مصنع بيرة ، لأنك عايز تخش الجنة .. اذن ما علاقة المصاورة بقرارك هذا …؟

انت لا تملك مكانا لتعليب الضمغ ولا السمسم ولا اللحوم وليس لديك مشاريع للاستفادة من مياهك المبهولة… مش كتر خير المصريين حضنوها في السد العالي ؟؟

امشي ابني بلدك ، وأعمل مواعين تنموية ، بدل ما تجي تطلب من المصريين يعملوا ليك ال ( هوم ويرك) بتاعك ..

واذا قلت انو مصر مسيطرة على النخبة، وانها هي من يدير النظام في الخرطوم ، اقول ليك دي مشكلتك الداخلية ، امشي حلها …

ابقى قدر التحدي وما تنسى انو الجيش ، وكافة قواتك النظامية من شرطة وامن وطني ، بيعملوا اكتر من سرقة الموارد ،،، مش من شعوب اخرى ،
انما من اهلنا ،
أهل البلد زاتا – السودان ..

المصريين دخلوا السودان 1821 ولم يخرجوا، وهذه طبيعة الاحتلال ،
لكنكم تعتبرون انفسكم (متحررين) وانكم قمتم بالدفاع وحماية القاهرة من الاجتياح الاسرايلي في 67 …

هذه قراراتكم إنتم ،
اتخذتموها بانفسكم ،
واذا كنت بتفهم السياسة ،
فلا تنتظر (العواطف) لتحميك من العواصف …

يعني بالمختصر المفيد ، السوداني الللي عايز يطلع( قيادتنا) من المسؤلية ، ويعمل رايح وما يتكلم عن (علي عثمان) ،
لا عن فصله الجنوب ،
ولا عن تسببه باحتلال حلايب ،،
السوداني ده،
أحسن يسكت سااااكت .. …..