؏ــڜــڦ ڛۜــڔمۘــدۑْۧ هويدا الماحى التعقّـل مَنْجاةٌ من الزَّلَل.! –

؏ــڜــڦ ڛۜــڔمۘــدۑْۧ هويدا الماحى التعقّـل مَنْجاةٌ من الزَّلَل.!

-ناس هارونا شفشفونا وجغمونا
} مبروك لى جوبا..اخير امن مجلس سمو الهلال على ملعب جوبا.
} الاستقرار غايتنا فى الوطن الهلال.. حتى لا ننزلق الى درك المعردين..من شاء ان يجاهر بمعارضة المجلس فليفعل ومن شاء ان يدعم المجلس فاليغعل اما من شاء وسعى للتخريب فاليعقل
اى (يتعقل) فالعقل زينة..
حتى لا ننساق وراء من يزرعون الفتن لهدم استقرار سمو الهلال
قيل:(المنطق. ليس من الحكمة والمنطق أن تعيش في الماء وتعتبر التمساح عدوا لك.)
} لو جينا لى تشخيص أزمة الكرة السودانية علينا اولا سبر أغوار أزمة السودان نفسه التى تتمخض عنها علل وعلة الكره السودانية (انها متلازمة أزمات كثيرات شي أزمة ضمير
وشى تفكير. والكثير المثير الخطير. كل الازمات مجتمعات دمرت البلاد وليست حكرا على (ودار)اى ضياع رياضاتنا وعلى رأسها محبوبتنا كرة القدم والوطن الهلال ..عيال السودان ضيعوا الاوطان وقعدوا “فراجة” وترانا ..راجيين من الله الانفراجة.
} العرادين من الجنجويد لى حفتر لى بوكو حرام
..كر علينا الحقونا ناس “هارونا ” شفشفونا وأكلونا ودحرونا ومرقونا زى الشعرة من العجين
“هارونا هادى” “وخليك هادى” عمره 23 سنه لاعب خط وسط فريق ريمو ستارز “المرق مريخ العرده من البطولة النيجيرية الوديه..سيكافا بطولة دوليه والوديه النيجيرية الركبتكم التونسيه (واحيا) نظمتوها براكم عشان تفوزوا بيها لكن الفورة قامت بيكم بعدين اما كفاكم (حاكو حاكو)ياخ انتوا لا بتخجلوا ولا بتفتروا من محاكاة الزعيم الهلال رمز الجمال ..نحنا لما وافقنا على المشاركة في التنظيم كان الغرض اداء مباريات للدخول فى حساسية ملامسة الكره بعد الغياب لكن تمشوا لا عن (الفوك فوك) فوق بلدهم وتنظمولكم (بتولة) مغمورة
وبعد دا كووووله يمرقوكم منها مع الرأفة ..يا القلتوا اشترينا (السهام الحمراء)..انتوا اشتريتوا الوجع والويل (بالليل اشتريتو والصبح ما لقيتو؟)يا خسارة اشتريتوا واتبليتوا
(سلم على”النمير” وأنسى الحصل من ريمو
بالليل..ومن “فجة”تانية
ايطالى النمير قالهم رباعى المحترفين فى ستين وانا بكوس براى للمحترفين انتوا (الميدرب)دا ما عاقل ولا عايز يشلع العرادين لا يوم الدين ..؟ نحيا ونشوف
}زياد ورفاقه امل السودان في الاولمبياد وخليك في السليم يا ولد سليم
} أولمبياد الفضائح فوق فرنسا العاهرة الفاجرة ..حصل شفتوا ليكم أولمبياد من غير (ادبخانات )..بالله اتقول الاولمبياد مقام فى عاصمة الجريمة
ولا حصل شفتوا ليكم أولمبياد شهد اعتقال البوليس لى مدرب يتبول فى شارع الله اكبر ان شاء الله مدرب (حمير) ياخ
المهم انه بوال ..هذا يحدث فى فرنسا أزمة اخلاق وازمة ديانات وازمة ادبخانات(اى والله) أولمبياد السرقات ولم تكن سرقة نصف مليون يورو من أسطورة البرازيل (زيكو)الاولى كما انها لم تكن الأخيرة وهاهو ذا العداء السودانى الصغيرون (يس عبدالله )يتعرض للسرقه فى باريس هو ذاته أولمبياد وصفه”دونالد ترامب”بالمهين اى والله
ابقوا منه مارقين ..ولا كمان لازم (كل واحد يخلي بالو من لغاليغو )
تضمن حفل الافتتاح لوحة العشاء الأخير فى مساس واضح بالسيد المسيح (فرنسا المجوسية الاباحية عدوة الإسلام ما عندها (دين).!
} معسكر سمو الهلال الإعدادى فى تونس للتبارى مع الكبار يوم 3
امام فريق قفصه
البنزرتى 8/6
الملعب التونسى 8/10
الصفاقسى 8/11
ما زى ناس كدا لاعبين مع فريق من شمال القارة فى التمهيدى وماشين نيجريا لا شنو يكونوا عايزين يسجلوا (فكى) محترف }اخير نضحك قبل ما نموت
قال ليك :(شافع مصرى قال لي أمو : إنتِ يا ماما السودانيين ديل بعدين بخشوا الجنة معانا ؟؟
قالت ليهو : السودانيين العيني شايفاهم ديل
والله تهريب يخشوا الجنة
}ويبقى العشق مابقى سماحة الوطن الهلال