1/3/2023 5:40:35 AM
اعترف نائب رئيس مجلس السيادة حميدتي بدور السفارات والمنظمات وتدخلات في شأن البلاد وبطواعية من المجلس العسكري . واكد تايدهم و التزامهم بالتسوية السياسية ( الاتفاق الاطاري) وقال حميدتي ( صحي في تدخلات كان قلنا مافي تدخلات كضبنا و كان قلنا ما مسيرانا السفارات كضبنا. وكشف حميدتي ان كل هذه التدخلات بارادتهم ( كن دا بإرادتنا نحن وبطوعنا نحن وباختيارنا نحن وتابع بشان الاتفاق الاطاري نحن مؤيدين الاتفاق وماضي فيه واعترف بانهم في ورطة الامر الذي يتطلب منهم ايجاد مخرج ( برضو يا جماعة الاتفاق الماشي دا نحن مؤيدنو وماشين فيه دايرين نمرق من الورطة دي). وتابع حميدتي ( عشان كدا موضوع الخارج وما الخارج لو نحن كلنا ختينا يدنا مع بعض واتفقنا مع بعض مافي زول بستعمرنا وبي طريقتنا دي الاستعمار حيرجع لينا تاني لكن بلقانا تحت الواطة ما بلقانا فوق .
وحذر من الذين يتاجرون باسم الدين من تيارات النظام البائد والمتطرفين وقال حميدتي ( موضوع المتاجرة بالدين وما عارف إيه الكلام دا أبعدوا منو يا جماعة خلونا نفهم قضيتنا، خلونا نعرف عدونا من صليحنا .. خلونا نمشي لي قدام نخت يدنا ننمي بلدنا دي
وقلل مصدر للسودانين نيوز من تصريحات حميدتي التي تعد أخطر تصريح له منذ ١١ ابريل ٢٠١٩ وقال المحلل السياسي السودانية نيوز ياتي تصريحات نائب رئيس مجلس السيادة حميدتي في استمرار لايجاد مساندة للتسوية مرة ثانية قائد الدعم السريع يسوق خطابا ليسند موقفه الداعم للتسوية التى تقنن وجود قوات الدعم السريع بالدولة، الحرص على مصلحة الوطن ياتي بانهاء الانقلاب و دمج القوات المختلفة ، ليست هنالك دولة بها جيوش يمكنها العبور الى تحول مدني حقيقي،
احداث بليل و زالنجي كفيله بدمج القوات والوصول لجيش موحد، لا يعقل لتسوية ان تنجح والاعتداءات على المدنيين لم تتوقف